يغنيك عن كثر الحكــــي مجمل أبيــــــــــــات
ومن يأخذ المضمون يلقى الأدلـــــــــــــــــــــه ...
تدري وش يقتل الحب بسكــــــــــــــــات ..؟!
لا صرت في بوحك تحس بمذلـــــــــــــــــــــــــه
وتدري وش يكســـــــــــر الظهر حزااااات ...
لا من عطيت إحســـــــــــــــاس ما هو محلــــه
وتدري متى تستاهل الطعن مـــــــرااات
لامن خطيت الدرب وانته تدلـــــــــــــــــــه
لا تتبع المقفي على كل حــــالات ...
بعض الوجيه اللـــــــــي تقابلك علـــه
ولا تسأل الغالي عن الجرح لا فــــــــــات
نبش الحكـــــــي يزود الطين بلــــــــــــــــه
طالع فمن حولك وتأخذ شهـــــــــــادات
مانلتهـــــــا لو تدرس الدهــــــر كلــــــــــــه
ناس "ن " تجر من أسود الضيق ونــــــات
وناس"ن" تقضيهــــا وناسه وفلـــــــــــــــه
هذاك شال هموم غيره ولا بــــات
وهذاك مايدري عن إحســــــــاس خلـــه
أحدن يهين أصلــــه على كل زلات
وأحدن ترومه شيمته مــــا تزلـــــــــــه
لا تقول حظي من عنا الوقت قد مـــات
قل مات حظ اللي عنـــــاه استحلـــــــــــه
لا ضاقت الدنيا وعلى الكيف ماجـــات
أطلق إحجاجك ثم توكل علــــــى الله ....
